Creative Minds® - Welkom welcomes you

Ons missie is om elke individu tot bo sy/haar eie verwagtinge te help ontwikkel, ongeag sy/haar ouderdom, ondervinding of aansien. Die verskil lê in ons persoonlike aandag aan elke individu.

Ons is inderdaad hier net vir jou! Maandag tot Donderdag 08h00 – 13h00, 14h00 – 20h30 Vrydag 08h00 – 13h00, 14h00 – 16h00

OWNER: Adél Ludick Owner / Trainer	Tel/Fax: 057 357 6043 Cell: E-Mail: home.welkom@mindsmail.co.za
Creative Minds® Welkom Stateway 412 Doorn Welkom

Waar is ons geleë? Dit is maklik om ons te vind. Vanaf die kloktoring in die middestad, ry in ‘n oostelike rigting in Stateway. Hou oos by die eerste verkeer sirkel (DN Smith Jewelers). Creative Minds Welkom is geleë aan die regter kant op die hoek van die derde kruising – Duiker straat - met Stateway. Gebruik asseblief die trappe aan die regterkant van die gebou na ons sentrum op die eerste vloer.
View our map

Min het ek geweet hoe my lewe sou verander toe my eerste student in September 1999 by my sentrum instap! Wow! En wat ‘n paadjie om op terug te kyk na byna ses jaar! Ek het die hoogste hoogtes en die laagste laagtes beleef in hierdie tyd. En soveel gegroei as mens. Soveel nuwe vriende gemaak, want ons studente word werklik ons vriende. En besef dat DIT regtig is wat ek met my lewe wil doen! In die afgelope 5½ jaar het baie mense van verskillende ouderdomme deur ons sentrum beweeg. Van skoolverlaters, huisvrouens, dokters, prokureurs tot senior burgers.

‘n Bewys dat niemand ooit te oud is om te leer nie, is Dr Donald Frost. Hy is gebore in 1922, was ‘n vlieënier in die Tweede Wêreld oorlog, en het daarna as tandarts gekwalifiseer in 1948. Dr Frost woon al in Welkom sedert 1950. Hy speel klavier en die kerkorrel op gehoor, sing in verskeie kore, het ‘n pragtige “grandfather clock” met sy eie hande gebou, is mal oor gholf speel (ons skeduleer sy klasse rondom die gholf spelery) en het toe op die rype ouderdom van 82 besluit om tegnologie aan te durf! En natuurlik sou geen ander instansie die geduld en persoonlike aandag van Creative Minds ewenaar nie! Dr Frost het Windows 1 en Word 1 gedoen, en tans werk ons aan sy e-mail vaardighede. Ongeloooflik! Ek is so trots om te sê dat Dr Frost my vriend is. Voorwaar ‘n inspirasie vir ons almal!

By Creative Minds loop ons die paadjie saam met jou. Deur al die onsekerhede, frustrasies, vrese en probleme tot by daardie AHA oomblik! (En daarna!) Ons is hier om jou as individu ten volle te ondersteun, motiveer en bemoedig. Ons maak dit moontlik vir jou om in ‘n stresvrye omgewing, teen jou eie pas, deel te word van die tegnologie wat ons lewens omvorm.

Ons diens is ons trots. Daarom skeduleer ons klasse om rondom JOU behoeftes aan te pas. Ons verstaan dat dinge kan skeefloop, of planne verander. Ons roem daarop dat ons kursusse aanpas om by elke individu se unieke behoeftes te pas. Ons ondersteuning strek tot ver verby die voltooiing van jou kursus, en ons is altyd beskikbaar om hulp te verleen wanneer daardie “klein dingetjies” verkeerd loop. Ons het ook klasse beskikbaar na-ure, tot so laat as 20h30, Maandag tot Donderdag. Hierdie klasse akkommodeer veral werkende kliënte en besigheids eienaars, sowel as kliënte sover as Bultfontein, Wesselsbron, Kroonstad en Ventersburg.